មេរៀនទី ៣ : ព្រះគង់នៅអស់កល្បជានិច្ច ហើយមិនប្រែប្រួល
សួរថា “តើលោកអ្នករៀនបានចំនុចសំខាន់មួយណា ពីមេរៀនមុន?”
***មើលកំណត់ត្រាគ្រូ #៥
ប្រសិនបើគោលដៅរបស់យើងគឺដើម្បីស្គាល់ព្រះ នោះយើងត្រូវតែស្គាល់ព្រះនាមរបស់ទ្រង់។ នៅក្នុងសៀវភៅទីពីរនៃព្រះគម្ពីរ គឺសៀវភៅនិក្ខមនំ ព្រះទ្រង់បានបង្ហាញអង្គទ្រង់ទៅកាន់បុរសម្នាក់ ឈ្មោះថាម៉ូសេ ហើយ ទ្រង់បានបញ្ជូនឲ្យគាត់ទៅដឹកនាំជនជាតិអ៊ីស្រាអែល។ លោកម៉ូសេ មានអារម្មណ៍សង្ស័យថា ពួកអ៊ីស្រាអែល នឹងមិនស្តាប់គាត់នោះទេ ដូច្នេះគាត់សួរព្រះអង្គ សំនួរយ៉ាងសំខាន់មួយ។
និក្ខមនំ ៣:១៣-១៥
ម៉ូសេក៏ទូលទៅព្រះថា មើល កាលណាទូលបង្គំទៅប្រាប់ពួកកូនចៅអ៊ីស្រាអែលថា ព្រះនៃឰយុកោអ្នករាល់ គ្នាទ្រង់បានចាត់ខ្ញុំឲ្យមកឯអ្នករាល់គ្នា ហើយគេសួរទូលបង្គំថា តើព្រះទ្រង់ព្រះនាមជាអ្វី នោះតើត្រូវឲ្យទូលបង្គំ ប្រាប់គេថាដូចម្តេច
ព្រះទ្រង់មានព្រះបន្ទូលទៅម៉ូសេថា «អញជាព្រះដ៏ជាព្រះ» រួចទ្រង់មានព្រះបន្ទូល ទៀតថា ឯងត្រូវឆ្លើយប្រាប់ ដល់ពួកកូនចៅអ៊ីស្រាអែលដូច្នេះថា ព្រះដ៏ជាព្រះទ្រង់បានចាត់ឲ្យខ្ញុំមកឯ អ្នករាល់គ្នា
ព្រះទ្រង់ក៏ មានព្រះបន្ទូលនឹងម៉ូសេទៀតថា ចូរនិយាយនឹងពួកកូនចៅអ៊ីស្រាអែលដូច្នេះថា ព្រះយេហូវ៉ាជា ព្រះនៃពួកឰយុកោអ្នករាល់គ្នា គឺជាព្រះនៃអ័ប្រាហាំ ជាព្រះនៃអ៊ីសាក ហើយជាព្រះនៃយ៉ាកុប ទ្រង់បានចាត់ឲ្យ ខ្ញុំមកឯអ្នករាល់គ្នា នោះជាឈ្មោះអញនៅអស់កល្បជានិច្ច ហើយក៏សំរាប់ជាសេចក្តីរំឭក ពីអញ ដល់គ្រប់ទាំង ដំណរៀងរាបតទៅ
នៅក្នុងខ ១៥ ព្រះអង្គបង្ហាញព្រះនាមព្រះអង្គថា יְהוָ֥ה (មានន័យថា យ៉ាវេហ៍)
ព្រះអង្គមានបន្ទូលថា នោះជាឈ្មោះទ្រង់នៅអស់កល្បជានិច្ច ហើយក៏សំរាប់ជាសេចក្តីរំឭក ពីទ្រង់ដល់គ្រប់ ទាំងដំណរៀងរាបតទៅ។ ព្រះនាមទ្រង់ត្រូវបានសរសេរចំនួន ៦២១៨ដង នៅក្នុងព្រះគម្ពីរ លើសជាងពាក្យ ណា ផ្សេងៗទៀតសម្រាប់ព្រះ។ នៅក្នុងភាសាខ្មែរ ត្រូវបានគេបកប្រែថា ព្រះយេហូវ៉ា នៅក្នុងព្រះគម្ពីរបកប្រែ ចាស់ (OV) ហើយ ព្រះអម្ចាស់នៅក្នុងគម្ពីរបកប្រែថ្មី (KHSV)។ នៅក្នុងភាសាអង់គ្លេស ត្រូវបានបកប្រែថា ‘the LORD’ ដែលសរសេរជាអក្សរធំទាំងអស់ជាភាសាអង់គ្លេស។
តើព្រះនាមព្រះអង្គមានអត្ថន័យយ៉ាងដូចម្តេច?
ព្រះនាមរបស់ព្រះ មានភាពស្រដៀងគ្នាទៅកាន់ពាក្យក្នុងភាសាហេព្រើរ ដែលមានន័យថា ‘I AM’ «អញជាព្រះដ៏ជាព្រះ» (យើងគឺជាយើង)។ ទោះបីវាជាការមិនអាចទៅរួចក្នុងការបកប្រែឲ្យចំត្រឹមត្រូវក៏ដោយ ព្រះនាមរបស់ព្រះអង្គមានន័យថា ‘អង្គបុគ្គលដ៏នៅអស់កល្បជានិច្ច’ ‘គឺជាអង្គបុគ្គលដែលតែងតែរមានវត្តមាន តាំងពីណាពីណៃមក’ ‘គឺជាអង្គ បុគ្គលដែលបានមានវត្តមានតាំងពីមុនមក រហូតដល់សព្វថ្ងៃ ហើយជា រៀងរហូតតទៅ’។ ដូច្នេះព្រះនាម ព្រះអង្គ ពណ៌នាពីភាពជាព្រះរបស់ទ្រង់ ដែលទ្រង់គង់នៅស្ថិតស្ថេរ អស់ កល្បជានិច្ច ហើយគ្មានការប្រែប្រួល នោះឡើយ។ ចូរឲ្យយើងមើលទៅកាន់សេចក្តីពិតទាំងនេះ ដែលប្រាប់ មកកាន់យើងអំពីព្រះ។
(១) ព្រះអង្គគ្មានទីចាប់ផ្តើម
យើងបានឃើញនៅក្នុងមេរៀនទីមួយរបស់យើងថា ចក្រវាឡមានទីចាប់ផ្តើម តែព្រះអង្គគ្មានទីចាប់ផ្តើម ទេ។ ព្រះអង្គទ្រង់តែងតែរមានវត្តមានជានិច្ច មុនពេលវេលាបានចាប់ផ្តើម មុនពេលចក្រវាឡត្រូវបាន បង្កើត ឡើង ហើយមុនអ្វីៗទាំងអស់បានមានវត្តមានឡើង។ ទ្រង់មានវត្តមានគង់នៅស្ថិតស្ថេរ អស់កល្បជានិច្ច។
ទំនុកតម្កើង ៩៣:១-២
ព្រះយេហូវ៉ាទ្រង់ជាអ្នកគ្រប់គ្រង
ទ្រង់ប្រដាប់អង្គដោយភាពដ៏រុងរឿងឧត្តម
ព្រះយេហូវ៉ាទ្រង់ប្រដាប់អង្គ ដោយតេជានុភាព
ព្រមទាំងក្រវាត់អង្គ ដោយសេចក្តីនោះដែរ
ឯលោកីយ៍នោះបានតាំងមាំមួន និងរង្គើមិនបានឡើយ
បល្ល័ង្កទ្រង់បានតាំងនៅ ចាប់តាំងពីចាស់បូរាណ
គឺមានទ្រង់តាំងតែពីអស់កល្បរៀងមក
ព្រះអង្គមក “ពីអស់កល្បរៀងមក”។ នៅពេលដែលនរណាម្នាក់សួរលោកអ្នកថា “តើលោកអ្នកមកពីណា?” តើលោកអ្នកឆ្លើយយ៉ាងដូចម្តេច? (ឲ្យពួកគាត់ឆ្លើយ)
ពួកយើងតែងនិយាយពីកន្លែងដែលយើងកើត ឬ កន្លែងដែលយើងធំធាត់ឡើង ដោយសារតែកន្លែងនោះគឺជា ទីចាប់ផ្តើមនៃជីវិតរបស់យើង។ ប៉ុន្តែព្រះអង្គទ្រង់គ្មាន ពេលវេលា និង ទីកន្លែងនៃការចាប់ផ្តើមនោះទេ។ ព្រះអង្គទ្រង់មក “ពីអស់កល្បរៀងមក”។
គ្មានពេលណាមួយ ដែលព្រះអង្គគ្មានជីវិត ឬ វត្តមាននោះទេ។ ប្រសិនបើលោកអ្នកមានម៉ាស៊ីនពេលវេលា ហើយត្រលប់ទៅកាន់អតីតកាល ទៅកាន់ពេលវេលាដំបូងបំផុត នោះនឹងឃើញថា ព្រះអង្គមានវត្តមានតាំង ពីពេលនោះ មកម្លេះ។ ហើយប្រសិនបើលោកអ្នកអាចត្រលប់ទៅ គ្រា មុនពេលវេលាចាប់ផ្តើមឡើង ទ្រង់ក៏ មានព្រះជន្មគង់នៅគ្រានោះដែរ។ ទ្រង់មានព្រះជន្មគង់នៅ មានវត្តមាន អស់កល្បជានិច្ច។
(២) ព្រះអង្គគ្មានទីបញ្ចប់
តើលោកអ្នកធ្លាប់ឮពាក្យគេនិយាយថា “គ្មានអ្វីដែលស្ថិតស្ថេរជារៀងរហូតនោះទេ” ដែរឬទេ? នៅពេលដែល មនុស្សនិយាយដូច្នេះ ពួកគេមានន័យថា អ្វីៗទាំងអស់នៅក្នុងជីវិត តែងតែរមានការប្រែប្រួល។ មនុស្សមក ហើយទៅ មានការសាងសង់ មានការរុះចោល ជំនួញអាជីវកម្មចាប់ផ្តើមឡើង ហើយក្រោយមកត្រូវបញ្ចប់... ដូច្នេះតើវាគឺជាការពិតដែរ ឬទេ ដែលថា គ្មានអ្វីដែលស្ថិតស្ថេរជារៀងរហូត? ទេ វាមិនពិតទេ ព្រោះព្រះអង្គ ទ្រង់គង់នៅស្ថិតស្ថេរអស់កល្បជានិច្ច។ ព្រះអង្គគឺជាព្រះអស់កល្ប ហើយគ្មានទីបញ្ចប់។
ទំនុកតម្កើង ១០២:២៥-២៧
កាលដើមដំបូងទ្រង់បានតាំងឫសផែនដី
ហើយផ្ទៃមេឃក៏ជាស្នាដៃរបស់ព្រះហស្តទ្រង់ដែរ
របស់ទាំងនោះនឹងវិនាសសូន្យទៅពិត
តែទ្រង់នឹងស្ថិតស្ថេរនៅវិញ
អើ របស់ទាំងនោះនឹងចាស់ទៅ ដូចជាសំលៀកបំពាក់
ហើយទ្រង់នឹងផ្លាស់ចេញដូចជាផ្លាស់អាវ
ដូច្នេះនឹងបានផ្លាស់ចេញជាពិត
ប៉ុន្តែ ឯទ្រង់ៗនៅដដែល
ហើយព្រះជន្មទ្រង់មិនចេះផុតឡើយ
ទំនុកតម្កើង ១០២:១១-១២
អស់ទាំងថ្ងៃអាយុនៃទូលបង្គំ
ដូចជាស្រមោលដែលជ្រេទៅ
ហើយទូលបង្គំក្រៀមទៅដូចជាស្មៅ។
៙ ប៉ុន្តែ ឱព្រះយេហូវ៉ាអើយ ទ្រង់នឹងគង់សោយរាជ្យ
នៅអស់កល្បជានិច្ច
ហើយនឹងមានសេចក្តីនឹកចាំពីទ្រង់
នៅអស់ទាំងដំណមនុស្សតទៅ
១ ធីម៉ូថេ ១:១៧
រីឯស្តេចនៃអស់ទាំងកល្ប ដែលទ្រង់មិនចេះសុគត ហើយមើលទ្រង់មិនឃើញ គឺជាព្រះតែ១ព្រះអង្គ នោះសូមឲ្យទ្រង់បានល្បីព្រះនាម និងសិរីល្អអស់កល្បជានិច្ចរៀងរាបតទៅ អាម៉ែន។
តើខគម្ពីរទាំងបានបង្រៀនយើងអ្វីអំពីព្រះ?
ព្រះអង្គគឺជាព្រះដែលមានព្រះជន្មអស់កល្ប ទ្រង់មិនចេះផុតឡើយ ហើយទ្រង់សោយរាជ្យជារៀង រហូតតទៅ។
តើខគម្ពីរទាំងនេះប្រាប់អ្វីមកកាន់យើងអំពី មនុស្ស និង ចក្រវាឡ? តើមានអ្វីផ្សេងទៀតទេ ដែលគ្មានទីបញ្ចប់?
មនុស្សមិនរស់នៅអស់កល្បនោះទេ ចក្រវាឡមិននៅអស់កល្បដែរ។ ជីវិតរបស់យើងនឹងក្រៀមស្វិតទៅដូចជា ស្មៅ ហើយចក្រវាឡ និង រលាយវិនាសបាត់ទៅ តែព្រះអង្គទ្រង់គង់នៅជារៀងរហូត។
(៣) ព្រះអង្គមានព្រះជន្មគង់នៅជានិរន្ត
ព្រះអង្គគឺជាភាពពិតជាក់ស្តែងគង់វង្ស ទៀងត្រង់តែមួយគត់។ អ្វីៗគ្រប់យ៉ាងផ្សេងទៀតគឺបណ្តោះអាសន្ន មានវត្តមាន នៅក្នុងគ្រាមួយ តែប៉ុណ្ណោះ។ ប៉ុន្តែព្រះអង្គគ្មានដែនកំណត់នៅក្នុងពេលវេលានោះទេ។ ទ្រង់ហើយជាព្រះ “ចាប់តាំងពីអស់កល្បរៀងទៅដល់អស់កល្បជានិច្ច”។
ទំនុកតម្កើង ៤១:១៣
សូមលើកសរសើរដល់ព្រះយេហូវ៉ា
ជាព្រះនៃសាសន៍អ៊ីស្រាអែល
ចាប់តាំងពីអតីតទៅដល់អនាគត អស់
កល្បជានិច្ច អាម៉ែន ហើយអាម៉ែន។
ទំនុកតម្កើង ៩០:១-២
ឱព្រះអម្ចាស់អើយ
ទ្រង់បានធ្វើជាទីអាស្រ័យនៅនៃយើងខ្ញុំ
នៅអស់ទាំងដំណតមក
គឺមុនដែលអស់ទាំងភ្នំបានកើតឡើង
ក្នុងកាលដែលទ្រង់មិនទាន់បង្កើតផែនដី
និងមនុស្សលោកនៅឡើយ
ចាប់តាំងពីអស់កល្ប រៀងទៅដល់អស់កល្បជានិច្ច
នោះគឺទ្រង់ហើយជាព្រះ
សូមឲ្យយើងស្រៃមថានេះគឺជាខ្សែបន្ទាប់ពេលវេលា តាំងពីដើមដំបូងនៃពិភពលោករហូតដល់ទីបញ្ចប់នៃ ពិភពលោក។
____________________________________________________________________________________
តើយើងនៅត្រង់ណា? ជ្រើសរើសកន្លែងណាមួយនៅលើខ្សែបន្ទាប់ ហើយសរសេរ “យើង”
តើដូនតារបស់យើងនៅត្រង់ណា? នៅត្រង់ចំនុចណាមួយ ដែលនៅក្រោយចំនុចពួកយើង។ សរសេរ “ដូនតា”
តើចៅរបស់យើងនៅត្រង់ណា? នៅត្រង់ចំនុចណាមួយ ដែលនៅខាងមុខចំនុចពួកយើង។ សរសេរ “ចៅ”
តើព្រះអង្គនៅត្រង់ចំនុចណា?
ឲ្យពួកគាត់គិតពីការនេះ
យើងអាចនិយាយថាព្រះអង្គដូចជា ក្រដាសទាំងមូលតែម្តង! ព្រះអង្គមានព្រះជន្មគង់នៅមុនដើមដំបូងនៃ ពិភពលោក មានវត្តមានគ្រប់ពេលវេលាទាំងអស់ ហើយក៏មានព្រះវត្តមានគង់នៅបន្ទាប់ពិភពលោកនេះបានផុតរលត់ទៅ។
ព្រះអង្គមានព្រះជន្មគង់នៅតាំងពីមុនពេលវេលា ឥឡូវនេះ និង ជារៀងរហូតតទៅ។
យូដាស ២៥
គឺជាព្រះអង្គដ៏ជាព្រះតែមួយ ជាព្រះអង្គសង្គ្រោះនៃយើងរាល់គ្នា ដោយសារព្រះយេស៊ូវគ្រីស្ទ ជាព្រះអម្ចាស់ នៃយើង នោះសូមឲ្យទ្រង់បានសិរីល្អ ឫទ្ធានុភាព ព្រះចេស្តា និងអំណាច តាំងពីមុនអស់កល្ប នៅជាន់ឥឡូវនេះ ហើយទៅដល់អស់កល្បជានិច្ចតទៅ។ អាម៉ែន។
ពិភាក្សា: តើលោកអ្នកគិតការមានភាពអស់កល្បអាចមានលក្ខណៈយ៉ាងណា?
(៤) ព្រះអង្គមិនប្រែប្រួល
ព្រះអង្គមិនមែនគ្រាន់តែមានព្រះវត្តមានគង់នៅជារៀងរហូតតែប៉ុណ្ណោះទេ ប៉ុន្តែព្រះអង្គទ្រង់ក៏មិនប្រែប្រួល
អស់កល្បជានិច្ចតទៅផងដែរ។ គ្រប់យ៉ាងដែលជាសេចក្តីពិតអំពីទ្រង់ គឺជាសេចក្តីពិតជារៀងរហូតតទៅ។
នៅក្នុងជីវិតរបស់យើងឆ្លងកាត់ការផ្លាស់ប្តូរជាច្រើន : កើត លូតលាស់ ពេញវ័យ កើនអាយុស្លាប់។ ប៉ុន្តែ គ្មានការផ្លាស់ប្តូរប្រែប្រួលនៅក្នុងទ្រង់ ក្នុងនាមទ្រង់គឺជាអង្គបុគ្គលឡើយ។ ពេលវេលាគ្មានការជៈឥទ្ធិពលទៅកាន់ ទ្រង់នោះទេ។ វាមិនអាច ធ្វើឲ្យព្រះអង្គមានការប្រែប្រួលបាននោះឡើយ។ ព្រះអង្គមិនដែលធ្លាប់មាន ភាពវ័យក្មេង ឬ វ័យចាស់នោះ ឡើយ។ ព្រះអង្គក៏មិនពេញវ័យ ឬ អន់ថយដែរ។ ព្រះអង្គក៏មិនចេះ នឿយអត់ដែរ។ គ្មានការផ្លាស់ប្តូរគុណភាព ជាមួយ នឹងព្រះអង្គនោះទេ។ ព្រះអង្គគឺឥតខ្ចោះ។ ព្រះអង្គមិនរីក ចម្រើននោះទេ ព្រោះថាព្រះអង្គឥតខ្ចោះហើយ។ ព្រះអង្គក៏មិនអន់ខ្សោយជាងមុនដែរ ដោយព្រោះថាព្រះអង្គ គឺជាព្រះល្អឥតខ្ចោះ។
គ្មានការប្រែប្រួលនៅក្នុងសមាសភាព (ភាពជាព្រះ)របស់ទ្រង់ទេ។ គឺគ្រប់ទាំងសមាសភាពជាព្រះរបស់ ទ្រង់តាំង ពីមុន មកដល់ឥឡូវ និង រហូតអស់កល្បជានិច្ចតទៅ។ តើព្រះអង្គមានគ្រប់ទាំងអំណាចចេស្តា ដែរឬទេ នៅពេលដែលទ្រង់ បង្កើតចក្រវាឡ? បាទទ្រង់មាន ហើយទ្រង់ក៏នៅតែមានគ្រប់ទាំងអំណាចចេស្តា ដូចគ្នា រហូតមកដល់ពេល សព្វថ្ងៃនេះ។ អំណាចចេស្តារបស់ទ្រង់ មិនកើនឡើង ហើយក៏មិនថយចុះដែរ។ ទ្រង់មានគ្រប់ទាំងអំណាច ព្រះចេស្តាតាំងពីមុនមក មកដល់ពេលឥឡូវនេះ នឹងរហូតតរៀងទៅ។ ហើយនេះក៏ជាការពិតអំពីសមាសភាព (ភាពជាព្រះ) របស់ទ្រង់ដែរ។ គ្មានពេលណាមួយ ដែលទ្រង់គ្មាន ព្រះសព្វវត្តមាន ឬ មិនមានគ្រប់ទាំងប្រាជ្ញា សព្វញ្ញុតញាណ និយាយឲ្យខ្លីគឺ ទ្រង់មិនដែលបាត់បង់ សមាសភាព (ភាពជាព្រះ)របស់ទ្រង់ឡើយ។
គ្មានការប្រែប្រួលនៅក្នុងចរិតលក្ខណៈរបស់ទ្រង់ឡើយ។ ព្រះអង្គគឺជាព្រះ សុចរិត យុត្តិធម៌ ល្អ ពេញដោយ សេចក្តីស្រលាញ់ ពេញដោយព្រះគុណ និង ពេញដោយសេចក្តីស្មោះត្រង់។ ចរិតលក្ខណៈទាំងអស់នេះ របស់ទ្រង់ នៅតែមានភាពទៀងត្រង់ជានិច្ច ដូចដែលពួក អ្នកសរសេរគម្ពីរទំនុកតម្កើង ពួកហោរា និង ពួក សាវ័ក បានសរសេររៀបរាប់អំពីទ្រង់ រាប់ពាន់ឆ្នាំមុន។ ហើយសព្វថ្ងៃនេះទ្រង់ក៏នៅតែមានចរិតលក្ខណៈទាំង អស់នេះដែរ ហើយទ្រង់ក៏នឹងបន្តមានចរិតលក្ខណៈទាំងអស់តទៅ រាប់ពាន់ឆ្នាំខាងមុខ។ គ្មានថ្ងៃដែលទ្រង់ ឈប់មាន ភាពសុចរិត យុត្តិធម៌ សេចក្តីស្រឡាញ់ ល្អឧត្តម ពេញដោយព្រះគុណ និង សេចក្តីស្មោះត្រង់ឡើយ។
ទំនុកតម្កើង ១០០:៥
ពីព្រោះព្រះយេហូវ៉ាទ្រង់ល្អ សេចក្តីសប្បុរសនៃទ្រង់ស្ថិតស្ថេរនៅជានិច្ច
ហើយសេចក្តីស្មោះត្រង់របស់ទ្រង់ ក៏នៅអស់ទាំងដំណមនុស្សតទៅ។
ម៉ាឡាគី ៣:៦
ដ្បិតអញគឺយេហូវ៉ា អញមិនប្រែប្រួលឡើយ ហេតុនោះ ឱពួកកូនចៅយ៉ាកុបអើយ ឯងរាល់គ្នាមិនបាន ត្រូវវិនាសទេ។
យ៉ាកុប ១:១៧
រប់ទាំងរបស់ដ៏ល្អ ដែលព្រះប្រទានមក និងអស់ទាំងអំណោយទានដ៏គ្រប់លក្ខណ៍ នោះសុទ្ធតែមកពី ស្ថានលើ គឺមកពីព្រះវរបិតានៃពន្លឺ ដែលទ្រង់មិនចេះប្រែប្រួល សូម្បីតែស្រមោលនៃសេចក្តីផ្លាស់ប្រែ ក៏គ្មានដែរ។
សេចក្តីពិតដែលនិយាយថាព្រះអង្គជាព្រះ ដែលមិនចេះប្រែប្រួល ទ្រង់នៅតែដដែលគឺមាននៅក្នុង ព្រះគម្ពីរ។ ដូច្នេះ នៅពេលដែលយើងអានព្រះគម្ពីរ យើងមិនគ្រាន់តែអំពីរឿងចាស់ៗ ដែលមិនមាន ការពាក់ព័ន្ធមកកាន់ ស្ថានភាពសព្វថ្ងៃនេះនោះទេ។ នៅពេលដែលយើងអានព្រះគម្ពីរ យើងកំពុងតែ សិក្សាស្វែងយល់អំពី ចរិត លក្ខណៈរបស់ទ្រង់ របៀបព្រះអង្គធ្វើការ ព្រះហឫទ័យទ្រង់ និង គោលបំណង របស់ព្រះដ៏មានព្រះជន្មរស់! គ្មានអ្វី ដែលមានការពាក់ព័ន្ធមកកាន់ស្ថានភាពនៃជីវិតរបស់យើង ជាងការសិក្សាអំពីទ្រង់ឡើយ។ ព្រះអង្គ ដដែល ដែលបានគង់ជាមួយនឹង អ័ប្រាហាំ ម៉ូសេ នាងរស់ ដាវីឌ អេសធើរ ម៉ារា និង ប៉ុល ទ្រង់ក៏គង់នៅ ជាមួយនឹងលោកអ្នក នាពេលសព្វថ្ងៃនេះដែរ។ ទ្រង់មិនប្រែប្រួលឡើយ។ ទ្រង់នៅតែមានគ្រប់ទាំងអំណាច ចេស្តា ពេញដោយប្រាជ្ញា និងមានព្រះទ័យ ល្អសប្បុរស។ គ្រប់ទាំងសេចក្តីពិត ដែលយើងបានសិក្សាអំពីទ្រង់ សុទ្ធតែមានតំលៃ ដោយសារតែ សេចក្តីពិតទាំងនោះទៀងត្រង់ ជារៀងរហូត មិនហួសសម័យ ឬ ជាអ្វីដែល ចាស់កំរិលឡើយ។
ការសរុបសេចក្តី: ព្រះអង្គមិនទទួលការជៈឥទ្ធិពលនៃ ពេលវេលា។ ព្រះអង្គគឺជាព្រះ ដែលទ្រង់ទៀងត្រង់ គង់ នៅស្ថិតស្ថេរ អស់កល្បជារៀងរហូត។ ចូរឲ្យយើងបញ្ចប់ជាមួយគ្នា ដោយពិចារណាទៅលើ ការជាប់ទាក់ទង ជាមួយនឹងការយល់ដឹងទាំងអស់នេះអំពីព្រះ។
ដំបូងព្រះអង្គគ្មានព្រំដែននៅក្នុងពេលវេលា។ គ្មានដើមដំបូង គ្មានទីបញ្ចប់ ព្រះអង្គមិននៅជាប់ក្រោម អំណាច ព្រំដែនរបស់ពេលវេលានោះឡើយ។ ព្រះអង្គជាអ្នកដែលបង្កើតពេលវេលា។ ពេលវេលា បម្រើទៅកាន់ព្រះ អង្គ ហើយមិនមែនជាម្ចាស់របស់ទ្រង់នោះទេ។ ព្រះអង្គបានរៀបចំផែនការនៅក្នុង ភាពអស់កល្បជានិច្ច មុន ពេលអ្វីៗទាំងអស់បានកើតមានឡើង ហើយឥឡូវទ្រង់ធ្វើការនៅក្នុងពេលវេលា។ ព្រះអង្គមិនដែលយឺតពេល ហើយព្រះអង្គក៏មិនដែលប្រញាប់ដែរ។ ព្រះអង្គមិនដែលអស់ពេល ហើយទ្រង់ក៏មិនដែលរវល់ពេកក្នុងការធ្វើអ្វីមួយដែរ។ ព្រះដ៏អស់កល្បជានិច្ចរបស់យើងទ្រង់មាន ការអត់ធ្មត់ ក្នុងការ សម្រេចបំណងព្រះហឫទ័យរបស់ទ្រង់។
២ ពេត្រុស ៣:៨-៩
តែពួកស្ងួនភ្ងាអើយ កុំឲ្យភ្លេចសេចក្តី១នេះឡើយ គឺថា នៅចំពោះព្រះអម្ចាស់១ថ្ងៃទុកដូចជា១ពាន់ឆ្នាំ ហើយ១ពាន់ឆ្នាំក៏ទុកដូចជា១ថ្ងៃដែរ ព្រះអម្ចាស់មិនផ្អាកសេចក្តីសន្យារបស់ទ្រង់ ដូចជាមានអ្នកខ្លះ គិតស្មាន នោះទេ គឺទ្រង់មានព្រះហឫទ័យអត់ធ្មត់នឹងយើងរាល់គ្នាវិញ ដោយមិនចង់ឲ្យអ្នកណាមួយវិនាស ឡើយ គឺចង់ឲ្យមនុស្សទាំងអស់បានប្រែចិត្តវិញ
ទីពីរ ព្រះអង្គគង់នៅជាមួយនឹងមនុស្សគ្រប់ជំនាន់ទាំងអស់។ ព្រះអង្គបានទតឃើញប្រវត្តសាស្ត្ររបស់មនុស្សទាំងអស់នៅគ្រប់ជំនាន់ តាំងតែរពីដំបូងមកម្ល៉េះ។
អេសាយ ៤១:៤
តើអ្នកណាបានធ្វើហើយសំរេចការនេះ ដោយហៅអស់ទាំងដំណមនុស្សតាំងពីដើមមក គឺអញ យេហូវ៉ានេះ ដែលជាដើម ហើយជាអ្នកនៅជាមួយនឹង មនុស្សជាន់ក្រោយបង្អស់ដែរ គឺអញនេះហើយ
ទំនុកតម្កើង ១០៣:១៧
តែសេចក្តីសប្បុរសនៃព្រះយេហូវ៉ាស្ថិតស្ថេរនៅ
តាំងពីអស់កល្បដរាបដល់អស់កល្បជានិច្ច
ចំពោះអស់អ្នកដែលកោតខ្លាចដល់ទ្រង់
សេចក្តីសុចរិតរបស់ទ្រង់ ក៏នៅរហូតដល់កូនចៅគេតទៅ
វាគឺជាការយ៉ាងប្រពៃដែលយើងដឹងថា ព្រះអង្គទ្រង់គង់ជាមួយយើងអស់មួយជីវិត ទ្រង់ដឹកនាំ ផ្គត់ផ្គង់ ហើយ ស្រឡាញ់លោកអ្នក ហើយទ្រង់ក៏នឹងគង់ជាមួយនឹងកូនចៅរបស់លោកអ្នកផងដែរ។ ទ្រង់គង់នៅជាមួយនឹង មនុស្សគ្រប់ជំនាន់ទាំងអស់ ត្រាស់ហៅពួកគេឲ្យឆ្ពោះទៅមុខ។ យើងនឹងមិននៅទីនេះជារៀងរហូតនោះទេ តែទ្រង់វិញ ទ្រង់នឹងគង់នៅជារៀងរហូត។ កេរ្តិ៍ដំណែលដ៏ធំបំផុត ដែលយើងអាចឲ្យទៅកាន់កូនចៅជំនាន់ក្រោយ របស់យើងបាន នោះគឺជា កេរ្តិ៍ដំណែលនៃសេចក្តីជំនឿជឿលើព្រះ។
ទីបី ដោយសារតែព្រះអង្គមិនប្រែប្រួល គ្រប់យ៉ាងដែលមាននៅក្នុងសមាសភាព(ភាពជាព្រះ)របស់ទ្រង់ និង ចរិតលក្ខណៈរបស់ទ្រង់ គ្មានការប្រែប្រួលឡើយ។ នេះមានន័យថា ព្រះបន្ទូលទ្រង់ ព្រះដំរិះទ្រង់ ផែនការ របស់ទ្រង់ និង បំណងព្រះហឫទ័យរបស់ទ្រង់មិនមានការប្រែប្រួលឡើយ។ នេះហើយគឺជា ប្រភពនៃស្ថេរភាព និង សុខសុវត្ថិភាព យ៉ាងធំធេងសម្រាប់អស់អ្នកណាដែល ទុកចិត្តទៅលើព្រះអង្គ។ យើងអាចទុកចិត្តពឹងផ្អែក ទៅលើព្រះបន្ទូលរបស់ទ្រង់ ដែលជាគ្រឹះនៃជីវិតរបស់យើង ហើយកាន់ជាប់ទៅកាន់សេចក្តីសន្យារបស់ទ្រង់ ដោយសារតែ គ្រប់ទាំងសេចក្តីសន្យារបស់ទ្រង់ មិនដែលប្រែប្រួលឡើយ។
អេសាយ ៤០:៨
ស្មៅក៏ស្វិតក្រៀម ហើយផ្ការោយរុះចុះ តែព្រះបន្ទូលរបស់ព្រះនៃយើងរាល់គ្នាវិញ នោះស្ថិតស្ថេរនៅ ជាដរាប។
ទំនុកតម្កើង ១១៩:៨៩
ឱព្រះយេហូវ៉ាអើយ ព្រះបន្ទូលទ្រង់បានតាំងនៅស្ថានសួគ៌ ដរាបដល់អស់កល្បជានិច្ច
១ទៀត ព្រះដ៏ជាកំឡាំងនៃសាសន៍អ៊ីស្រាអែលទ្រង់មិនចេះកុហក ឬប្រែប្រួលឡើយ ដ្បិតទ្រង់មិនមែន ជាមនុស្សដែលចេះប្រែប្រួលទេ
ទំនុកតម្កើង ៣៣:១១
ឯដំបូន្មានផងព្រះយេហូវ៉ាវិញ នោះជាប់ជានិច្ច
ហើយដំរិះក្នុងព្រះហឫទ័យទ្រង់ក៏នៅជាដរាប
ដល់អស់ទាំងដំណតទៅ
ទីបួន ព្រះអង្គអាចប្រទានជីវិតអស់កល្បទៅកាន់មនុស្ស។ នគររបស់ព្រះគង់នៅស្ថិតស្ថេរជារៀងរហូត ហើយ ទ្រង់ ប្រទានជីវិតទៅកាន់អស់អ្នកណាដែលមកឯទ្រង់ដោយសេចក្តីជំនឿ។ តាមរយៈ ការទទួលជីវិតអស់ កល្បជាពីទ្រង់ ដែលមានតែទ្រង់ទេ ដែលប្រទានការនេះមកកាន់យើងបាន យើងនឹងមានបទពិសោធន៍ជា មួយនឹងភាព ធំឧត្តមរបស់ព្រះនៃយើង ជាច្រើនឆ្នាំជារៀងរហូត។
យ៉ូហាន ៦:៤៧
ប្រាកដមែន ខ្ញុំប្រាប់អ្នករាល់គ្នាជាប្រាកដថា អ្នកណាដែលជឿដល់ខ្ញុំ នោះមានជីវិតអស់កល្បជានិច្ច
យ៉ូហាន ១៧:៣
នេះជាជីវិតដ៏អស់កល្បជានិច្ច គឺឲ្យគេបានស្គាល់ដល់ទ្រង់ដ៏ជាព្រះពិតតែ១ នឹងព្រះយេស៊ូវគ្រីស្ទ ដែលទ្រង់ បានចាត់ឲ្យមកផង
ទំនុកតម្កើង ៤៨:១៤
ទ្រង់ជាព្រះនៃយើងខ្ញុំនៅអស់កល្បជានិច្ច ទ្រង់នឹងធ្វើជាអ្នកនាំមុខយើងខ្ញុំ ដរាបដល់អស់ជីវិតផង។
ពិភាក្សា
-
តាមរយៈមេរៀននេះ តើលោកអ្នករៀនបានអ្វីអំពីព្រះ?
-
តើមានលទ្ធផលទាក់ទងយ៉ាងណាខ្លះពីសេចក្តីពិតនេះ មកកាន់ជីវិតរបស់លោកអ្នក?
ចំនុចគន្លឹះចំបង
(១) ព្រះនាមរបស់ទ្រង់គឺ យ៉ាវេហ៍
(២) ព្រះអង្គគឺជាព្រះអស់កល្ប គ្មានដើមដំបូង និងទីបញ្ចប់។
(៣) ព្រះអង្គគឺជាភាពពិតជាក់ស្តែងគង់វង្ស ទៀងត្រង់ជារៀងរហូត។ ពេលវេលាគ្មានអំណាចជៈឥទ្ធិពល មកលើទ្រង់នោះឡើយ ហើយទ្រង់មិនមានការផ្លាស់ប្តូរភាពជាអង្គបុគ្គលរបស់ទ្រង់ សមាសភាព (ភាពជាព្រះ) និង ចរិតលក្ខណៈរបស់ទ្រង់ឡើយ។
ព្រះពរ
“សូមឲ្យព្រះយេហូវ៉ាប្រទានពរ ហើយរក្សាឯង សូមឲ្យព្រះយេហូវ៉ាធ្វើឲ្យព្រះភក្ត្រទ្រង់ភ្លឺមកដល់ឯង ព្រមទាំង ផ្តល់ព្រះគុណដល់ឯងផង សូមឲ្យព្រះយេហូវ៉ាងើបព្រះនេត្រទ្រង់មកចំពោះឯង ហើយប្រទានឲ្យឯងបាន សេចក្តីសុខ” (ជនគណនា ៦:២៤-២៦)
កំណត់ត្រារបស់គ្រូលេខ ៥
សួរថា : នៅពេលដែលយើងជួបនរណាម្នាក់ជាលើកទី១ ជាធម្មតាតើយើងស្គាល់អ្វីអំពីពួកគេ?
សូមឲ្យពួកគេចែកចាយពីគំនិតរបស់ពួកគេ។
ជាធម្មតា ចំនុចដំបូងដែលយើងស្គាល់ពីពួកគេ គឺជាឈ្មោះរបស់ពួកគេ។ ហេតុអ្វីបានជាការសំខាន់ក្នុងការ ស្គាល់ឈ្មោះរបស់នរណាម្នាក់?
សូមឲ្យពួកគេចែកចាយពីគំនិតរបស់ពួកគេ។
